Biba mas salú

Biba mas salú, ta un kompania fundá na 2014 dor di
Marvienne Cordelia, Leroy Peters i nos BMS (Biba mas salú) Team.

Konstantemente nos ta profundisa den ramo di nutrishon, dieta, kustumbernan di kome, strategianan pa baha peso, tantu pa loke ta trata e parti theoretiko komo e parti praktiko.

Ku esei nos a krea i konstantemente ta edifika nos mes sistema pa yuda nos klientenan baha di peso komiendo dushi, i variá. Januari 2019 nos a yega e record di 8 mil kliente ku a baha i yega nan peso desea ku nos. Di kual ta pone ku hopi hende konose un of mas hende ku a of ta bahando peso ku nos. Esei a hasi nos hopi popular ront reino Hulandes. Nos pagina di Facebook ta den e top 10 di e miles di paginanan na papiamentu. Nos tin mas ku 112 mil bishinante mensualmente segun nos ultimo raport ku Facebook a manda pa nos.

Ademas di produkto i servisionan pa baha di peso, nos ta ofrese produkto i servisionan pa kabei, kueru, asesorio, etc. Tur ta relashoná ku e meta pa yuda nos klientenan i siguidornan Biba mas salú. I mayoria ta di nos mes marka. BMS.

Prueba di efektividat di nos sistema
Ta riba nos mes, i tur hende ku a bai diakuerdo pa purba nos metodo, kendenan
A baha for di 5 te ku 50 kilo. (te ku ahinda). Tur hende por bishita nos album di Before & Afters riba Facebook i mira diferente persona ku Before & After nan fantastiko, demonstrando resultado di nos trabou. Konstantemente nos ta bai live, i hasi entrevista ku ku klientenan ku a baha kantidat di peso imporeshonante, pa asina nan tambe por komprati, motiva, i inspira otro nan.

Nos ta kontentu ku e konfiansa ku nos hendenan a duna nos durante tur e aña nan, i nos ta konfia ku poder di Dios i support di nos siguidornan, nos lo sigui duna nos maksimo, pa informa, motiva, i inspira tur nos hendenan pa Biba mas salú.